فتك مزيون ولا رنج مديون ..~

مرحباااااا السااااااااع

بدون مقدمات:..:

::.. قصييده في وصف الفتك ..::

ياني خبر منه فوادي تفطــــــرى *
استندر تزمط علـــــــى النيسانـــي
جي التويوتا يالخوي يا معثـــرى *
هندل وقيره غرتــــــه بالثانـــــــي
منه تلوم صاحبك لو هو بـــــرى *
ترجع يمين تعادلــــــه يافلانــــــي
وان يت بتحمل بها تعفـــــــد ورى *
او تستحي ثم تعزي البتانــــــــــي

الناس تتطور وانته لـــــــي ورى *
كنك بصير وتتبــــــع العميانــــــي
محروز يالنيسان يوم تذكــــــرى *
كنه زعيم ويحكــــم الاوطانــــــــي
كل المواتر تتبع الي يامـــــــرى *
ولا السلق في الجاريـــات تعانــــي
وتخاف يحكمها بضلمن وافتــرى *
لكنه حكمه عدل وميزانــــــــــــــي
هاتو سلق نيسان وانا بحضـــرى *
وهاتو استندر وطيحـــو الميدانـــي
وعندي انا تفجير شاهين احمرى *
فرخن وسبقه يسبـــق الاذهانـــــي
يغطي الشاوي يلي من شهــرى *
ولا وز في قطعه بعــد شيهانــــي
والشعر ما هو مخلف كما تــــرى *
لكنه استلهـــــام يــــوم يانــــــــي
ارتب الاقوال بين الاسطــــــــرى *
مستقبسن بالشاعـــر الدهمانـــــي

ونحن بدو نقطع رمول مقفـــرى *
ما نركب الي اكسلـــــه تعبانـــــي
يوم يغرز واجب انك تحفــــــــرى *
وحاول يمين يســـار بالسكانـــــي

وان طاح في قصين حول بمبرى *
ما صممه للسيــــــح والوديانــــــي

ولا الفتك يمشي كأنه على الثرى *
سنقل يماري روســـ هالسيتانــــي

فيه مكيف جدام والثانـــــــــي ورى *
ابدع ترى في صنعـــه اليابانــــي
مرحوم يا زايد على باي طـــــرى *
في جنة الفــــردوس يالرحمانـــــــي

مساند المسعود يالي ينطــــــــرى *
في بوظبي متوكــــل النيسانـــي
عنده وكاله لي مبيعه والشـــــرى *
من تسعه وسبعين ليـــن الاًنـــــي

كاين جديم من عقبها اطـــــــورى *
واصبح يماري الرنج في الازماني

لريوسه حطو تراهم سنســــــــرى *
وتثبيت سرعه داخـــل السكانــي
وثلاجة تبرد شرى الفليـــــــــزرى *
وبلوتوث وسبيكــــــر مجانــــــي
كم زودوه بكامن وكاربيتـــــــرى *
وعند السويدي مغير الشكماانـــي

يازم كأن الرعد يوم يهــــــــــدرى *
وله نغمة تطرب لهــــا الاذانـــــي
في تل مرعب خال حكم وجوكرى *
ما تمشي الباشه ولا الغلمانـــــي
يطير في العرقوب يوم يظهــــرى *
يفز فزات اللــــــــذي بحسانـــــي

يوصل ولا توصل معاه استنــدرى *
وعندي على هذا شهــــود اعيانـي

ياكم شبعها على الخط بــــــذرى *
وحاول معاي عبيد بن مرخانــــي

في اربع وتسعين طاح انجكترى *
وجانا فتك في الفيننا واثنانـــي
يوم ترشه اثنين نارا قـــــد ورى *
ومن التواير غيمــــــة الدخانـــــي
قالو من البترول نايع يفقـــــرى *
قلت السعادة تنشــــرى بثمانــــي
قالو يحر قلت قول مـــــــــزورى *
وقيج الحراره تحسبـــه خربانـــي
خذلك فتك ياخي وخل المسخرى *
لا وارد امريكـــــا ولا بريطانـــــي
لا صممه شارون ويه هتلـــــــرى *
والي انكتب معروف من العنوانـي


::.. قصييده في وصف الرنج ..::
قالوا عنك يالرنج خوان
وغلطان ساعة قلت بشريك
واليوم شفني صرت ندمان
لو قلت الول من يساويك
ياما مدحتك بين العربان
والحين شوف اشلون بشينك
موتر جديد ودوم خربان
اتعبتني من كثر ما اعطيك
من كل راتب نص نقصان
شي للغسيل وشي تشييك
ومن فوق هذا دوم عطشان
لو هو بحر ما اظن يسقيك
كل يوم اعبي ترس خزان
واقول تستاهل واغذيك
واللي يشوفك قال فنان
ياليت لو عندي شراويك
عقيتني في وسط كثبان
وين الجسارة اللي تحليك
ما دمت عالشارع وخربان
والونش دومه اللي يوديك
لو اني شريت الونش كسبان
اهون عليه من بلاويك
بذكر لكم قصة يالاخوان
يوم اخترب امسات لبريك
امن الوكاله خذت سامان
بـ7000آلف سفايف ويش اسميك
لو بوصفك بالوصف نيران تحرق ولا تشبع ويرضيك
الله يغشك ولد حمدان هو الي قنعني وقلت بشريك
والا ترى فالقلب نيســـــــــــــــــــــــــان
فيه ابركة والخير ما فيك
ولي يآخذة بالفعل كسبان
في كل موقع ما با يخزيك
ما هو شراتك دوم عثران
كل العرب بالشين تطريك
وعسى حريقة تشب الالمان
لي صنعوا كشرة وتغريك
عساك يا هالرنج طوفان
غلطان من يدفع ويشريك
عليك يالشراي "بنيسان"
لي من عذبته قال لبيك